Þóra Kristín Þór­ar­ins­dóttir ólst upp á Frosta­stöðum í Skaga­firði þar sem for­eldrar hennar eiga sveitabæ og ferða­þjón­ustu. Á ung­lings­aldri flutti Þóra frá Frosta­stöðum til Akur­eyrar til að stunda nám við mennta­skóla og síðar háskóla. Leiðin lá svo til Reykja­víkur. Þar bjó Þóra í nokkur ár með unnusta sínum, Rúnari Frey Þór­halls­syni. Þegar parið komst að því að þau ættu von á barni ákváðu þau að flytja út í sveit. „Mér fannst svo heill­andi að ala upp börnin mín í sveit­inni,“ segir Þóra og brosir. „Það var það sem kom okkur aftur út í sveit, að fá að ala upp börnin okkar hérna.“

Kost­irnir við að ala upp barn í sveit eru margir að sögn Þóru en þeir stærstu eru frelsið sem fjöl­skyldan hefur og hæg­ari taktur í hvers­dags­leik­anum. „Börnin mín munu geta labbað út á tás­unum ef þau vilja og farið í ein­hverja ævin­týra­leið­angra, það er svo mikil víð­átta“ …