Kári Gylfason, verk­efna- og rit­stjóri Skóg­rækt­ar­fé­lags Reykja­víkur, stendur fyrir utan við­ar­vinnslu félags­ins og tekur bros­andi á móti blaða­manni. Við vél­sög­ina er Teitur Björg­vins­son, umsjón­ar­maður við­ar­vinnsl­unnar og lærður hús­gagna­smiður, með trjá­bol við hönd­ina. 

Í við­ar­vinnsl­unni er grisj­un­ar­viður úr Heiðmörk nýttur á sjálf­bæran hátt í hús­gögn, inn­rétt­ingar, bekki og aðra nyt­sam­lega hluti. Þangað er einnig hægt að flytja tré af höf­uð­borg­ar­svæð­inu og eru þau þá nýtt í sams konar verk­efni. 

Teitur Björg­vins­sonUmsjón­ar­maður við­ar­vinnsl­unnar segir mik­il­vægt að finna trjám hlut­verk.

Mynd: Víkingur

Engir gallar, bara karakter

Við­ar­vinnslan hefur verið til í 15 ár en umsvif hennar hafa stig­magn­ast síð­ustu fimm ár sam­hliða auknum trjá­vexti í Heiðmörk.

Nýverið hlaut Skóg­rækt­ar­fé­lag Reykja­víkur styrk frá Aski, mann­virkja­rann­sókna­sjóði Húsnæðis- og mann­virkja­stofn­unar, til að kanna hvað þarf til að fella, þurrka og nýta aspir og garða­hlyni úr höf­uð­borg­inni. „Mikið af þeim harð­viði sem er á Íslandi liggur í görðum,“ útskýrir Teitur. Hann …