Fisk­iðjan í Vest­manna­eyjum var byggð um miðja 20. öld við Ægisgarð, rétt við höfn­ina í Eyjum, og um tíma var Fisk­iðjan eitt af stærstu frysti­húsum á land­inu. Verbúð var á þaki húss­ins í ára­tugi sem sam­an­stóð af 50 her­bergjum. Baldur Ó. Svav­ars­son, arki­tekt og einn eig­enda teikni­stof­unnar Úti og inni, segir að það sé skemmti­legt hvernig fisk­vinnslu­hús voru skipu­lögð og hönnuð á árum áður sem hluti af bæj­ar­skipu­lag­inu og sem hluti af bæj­ar­mynd­inni. „Þetta gæti allt eins verið skrif­stofu­hús eða íbúð­ar­hús en þegar fisk­vinnslu­hús eru byggð í dag þá eru oft byggðar ein­hverjar glugga­lausar og leið­in­legar skemmur.“

Teikning sem sýnir að „rað­húsin“ - íbúð­irnar - eru mis­stór.

Svo byrj­aði að gjósa í Eyjum 23. jan­úar árið 1973 og húsið stóðst þá áraun. „Það er svo öfl­ugt burð­ar­virki í hús­inu af því að þetta var fisk­vinnslu­hús þar sem voru stórar og þungar vélar þannig að það er ótrú­lega öfl­ugt …