Gæludýralækningar á betra verði

Hún heitir Sigríður og er dýra­læknir, stað­sett í Móabarði 32b, Hafn­ar­firði. Sigríður er menntuð frá Noregi sem dýra­læknir og útskrif­að­ist árið 1997. Sigríður hóf feril sinn sem dýra­læknir á Vest­fjörðum og gegndi þar emb­ætti hér­aðs­dýra­læknis í þremur sýslum. Sigríður á sjálf tvo hunda og seg­ist oft bregða þegar hún heyrir verðið sem er í gangi á mark­aðnum fyrir almennar dýra­lækn­ingar. Hún fær oft að heyra að fólk hrein­lega trúi því ekki að hennar þjón­usta sé á svona góðu verði þegar það fær reikn­ing­inn í hend­urnar.

Nefnir hún til dæmis að hjá henni kosti bæði fyrri og seinni bólu­setn­ing kett­linga, orma­hreinsun, örmerk­ing og skrán­ing á dýr­inu 25.000 kr. og það sama gildi fyrir hvolpa.

Stofan hjá Sigríði er ósköp nota­leg. Hún er björt og and­rúms­loftið afslappað eins og Sigríður sjálf. Hún setti stof­una upp í bíl­skúrnum hjá sér en þar gerir hún flest allt nema ófrjó­sem­is­að­gerðir á tíkum og stærri aðgerðir. Hún bendir á að það séu hátækni­sjúkra­hús sem séu betur búin til þess og nefnir hún þá sér­stak­lega Dýra­spít­al­ann í Garðabæ.

Mynd: SISVEIT

Hún starfar eins og er ein á stof­unni en miðað við fjölgun við­skipta­vina sér hún fram á að þurfa að stækka við sig á næstu miss­erum. Sigríður nefnir að hún sé að taka inn nýja tækni fyrir eldri gælu­dýr sem eru að fást við mikla verki út frá gigt eða slitum og fer hún fram með laser-tækni sem dregur úr bólgum og verkjum. Segist hún viss um að það muni slá í gegn hjá þeim sem eru með eldri gælu­dýr svo hægt sé að veita þeim síð­ustu árin sín sárs­auka­laus án lyfja, sem draga jafn­vel úr lífs­gæðum dýr­anna undir það síð­asta.

Fyrir Sigríði eru dýra­lækn­ingar hennar hjart­ans mál og telur hún að það eigi ekki að fara eftir stöðu þinni á vinnu­mark­aði hvort þú hafir efni á að halda gælu­dýr; þau séu félags­skapur fyrst og fremst til að draga úr ein­mana­leika og eiga að veita gleði. En hver er gleðin þegar eitt­hvað eins ein­falt eins og tann­hreinsun dýrs­ins setur mán­uð­inn á hvolf fjár­hags­lega?

Sigríður segir að hjá henni sé hún ekki að svæfa dýr fyrir tann­hreinsun heldur gefi hún frekar róandi ef dýrið er stressað, sem lækkar kostnað umtals­vert, og tekur það dýrið skamman tíma að jafna sig. Þessi leið er eins áhættu­laus og verður á kosið, sér­stak­lega fyrir eldri dýrin sem þola verr svæf­ingar.

Sigríður er með Facebook-síð­una SISVET og þar er alltaf hægt að ná sam­bandi við hana en einnig er hægt að bóka tíma á NOONA.

Sigríður seg­ist hlakka til að taka við öllum fer­fætlingum til sín, stórum sem smáum, og seg­ist vilja koma því á fram­færi að hún taki líka að sér búfjár­köll.