Er stærri pakkning alltaf ódýrari?

Eitt var þó form­lega stað­fest: Það er af nægu að taka í vöru­vali nútím­ans. Stundum erum við að velja á milli sex teg­unda af kló­sett­pappír og fimm af tann­kremi, sem öll gefa lof­orð um hvít­ari tennur og mis­mikið flú­or­magn að sjálf­sögðu. Svo er eitt­hvað merkt líf­rænt, syk­ur­laust, prótín­ríkt eða í fjöl­skyldu­stærð og áður en maður veit af er það ein­falda verk­efni að skreppa í búð­ina orðið að tölu­verðu verki.

Þegar við æðum inn í búð­ina, oft svöng og nýbúin að átta okkur á því að fjöl­nota pok­arnir gleymd­ust heima, grípum við gjarnan fyrstu vör­una sem kallar á okkur. Þar skipta kunn­ug­leg vöru­merki auð­vitað máli. En burt­séð frá því þurfum við líka að borga fyrir vör­una og ættum því lík­lega að gefa verð­merk­ing­unum aðeins meiri gaum.

Tæknin átti auð­vitað að ein­falda þetta. Nú getum við verslað á net­inu, skannað og skundað eða gripið og greitt. En þótt við komumst hraðar í gegnum búð­ina er ekki þar með sagt að auð­veld­ara sé að átta sig á því hvað borgar sig.

Flest höfum við ein­hvern tíma teygt okkur eftir stærri pakkn­ing­unni í þeirri trú að meira magn þýði lægra verð, svona eins og þegar keyptar eru tutt­ugu pitsusósur í Costco sem hægt er að nota út árið og jafn­vel á því næsta. Það skal þó tekið fram að Costco er und­an­skilið þess­ari „yfir­grips­miklu“ rann­sókn­ar­vinnu.

Allur gangur á verðmuninum

Er stærri pakkn­ing alltaf ódýr­ari? Svarið er nei. Höfundur skoð­aði verð­merk­ingar í Bónus og Prís og vöru­val Krón­unnar á net­inu dag­ana 13. til 17. ágúst. Bornar voru saman mis­mun­andi stærðir af sömu vörum og miðað við verð á kílói, lítra eða stykki, enda segir verð pakk­ans eitt og …